安全著陸

終於番到香港了...
今朝7點落機 之後飛的番屋企
今次旅行真係好 好多收獲...本來打算影多d相既 但係因為太懶,懶得咩袋 所以就冇拎部相機出街了...
第一日去到..果邊既9點幾..去完食野之後番酒店訓...因為時差既關係 訓唔到...係度睇nba 睇到好夜先訓= =
第二日 係度hea...同埋比班細路玩 = = 之後去左個乜乜片場..果陣記得拎相機 於是影左好多相...有一張特別正= =


呢2隻野好高...不過我想影佢地冇著聖誕老人裝果陣既樣多d
去完片場之後 就食野啦 之後番酒店 之後又因為時差 訓唔到 於是睇足球 ac對唔知邊隊..個講波佬用西班牙話講波..好似講粗口咁...之後入波果陣..個講波佬大叫.叫左好鬼耐= =""""好似叫到人地差唔多重播入波之後先肯停..之後睇左一半就訓左..
第三日 終於去番大表哥屋企訓..好鍾意佢屋企 好大好舒服.. 但係我住開果間房 唔同左...將床拍左埋牆..搞到唔係對住部電視..搞到唔可以趴係張床度打ps2...於是坐係地下打..又係打gt4 又係撞到7彩..本來想玩kof既- -不過醒唔起比我上次拎左番香港=.="
第4日表姐到 ,3個表姐都老左..陰公..= =+ 果日做左d咩唔係好記得..只係記得果日開始我狂訓..去食野等野食黎又訓...坐車又訓..係屋企睇睇下電視又訓..
第5日第6日 好似...好似...係過左境 去左墨西哥..用左陣電腦..上香港網勁慢...
第7日 排左2個鐘左右先由墨西哥番到去美國..之後打麻雀...打到好夜..之後班表姐扮晒野話要break 點知一個2個坐晒係sofa訓= =..我就走左去睇家有喜事..笑到傻..之後順手睇埋逃學威龍..之後先去訓= =
又唔知第幾日 搭車去賭城...個酒店好靚 果日我有拎到相機 所以有相睇

本來打算去買好多野的..但係我係咁訓..所以..= =
去完賭城番番去大表哥屋企 晚晚狂食雪糕 飲咖啡同打麻雀..之後過多幾日就番左來香港了
(依家好努力咁 搵番條usb線..)

明天上機

聽晚就上機了 去美國探親 成個聖誕假都唔係香港...

他轉行了

kenny轉左英文名 其實都轉左好耐..之前叫佢kenny duck ..好順口,所以轉左名之後有d唔慣...



無幾耐之前去睇戲啦 之後見到一個預告 係一套講一埋老鼠定唔知松鼠既3d立體動畫電影
睇睇下 發現套戲既戲名係... 




睇黎我們的alvin兄真係好鍾意小動物......

lunch

今日lunch出去食...
搭小巴果陣...後便班form6定唔知7 係度撩個司機"喂 車神,   甩尾丫"
果位車神司機即刻2話不說 表演左一次...
之後後便班友 又再刺激多次果位車神,叫佢黎多次...
呢個時候,我即刻緊握扶手...之後個司機又黎多次...(佢唔係真係甩尾,只係整搖架車..
如果佢真係用小巴甩尾既話,我估..)
搖完一餐就落車,由於未諗到食咩..係咁亂行...行下行下,係一間 叫"好x運茶餐廳"(唔賣廣告)前便停左...
係果度講講下野唔知點解我地會行左去"好x運茶餐廳"既隔離果間野門口果度...
之後正當諗緊間野係食咩既時候..alan一推................推左我入去 之後就成班人入晒間野度
個老waiter問我地幾多個..答佢5個之後就叫左我地上樓上.....
上到樓上先知道...間野原來係比人 飲茶既-.-姐係類似茶樓咁..不過細好多..
白色台布..仲有係茶樓 一定有既白色杯+碗.....
唉...今次走唔甩啦...都上左2樓...  坐都未坐低 果位態度十分親切既waiter就問飲咩茶...
小傑..求求奇奇咁叫左水+唔知咩茶....  之後就開始諗食咩...最後叫左4個油雞飯+一個唔知咩飯(唔記得左)..食落都唔錯   係貴左d....
p.s 到最後....果個唔知咩茶得小傑一個自己飲...死傻仔...
埋完單之後就行番學校啦.. 下次出去食都係諗定先=.=

好煩...

搬左屋之後 好多野都好左好多 好似間屋大左啦 番學近左啦咁..
但係有樣野我好唔滿意 就係 好多細路住係附近 ..........而且 唔知點解 佢地好鍾意喊..""
真係煩到嘔 而且喊親都喊好耐 ..唉..打打下機又聽到人喊 食食下飯又聽到 就連夜晚訓覺果陣都聽到...
午 晚都有唔同既細路喊..我已經開始聽得出佢地d聲既分別=.=

中午果個 喊得好細聲 而且好激動(對唔住,我詞窮 除左激動之外我諗唔到仲有咩字可以形容
經過長時間既非自願性質既聆聽之後...我肯定條友係好細個果d

夜晚果個 喊得好大聲 而且有對白 成日聽到佢講野 而且有時唔止一個人喊 仲要來個多重奏 真係...
本來喊已經夠煩 仲要加埋對白 我仲記得有一次...聽到條友喊啦..之後佢一路喊 一路大叫:"我個袋呀..我個袋呀..嗚..我個袋呀"<....唔知我有冇聽錯啦下=.="

覺得佢地煩既唔止我一個...有一次佢地喊喊下果陣 我聽到一把好低沈既男人聲講左句"邊x個呀?"
之後班喊既細路就收左聲 換來既 係一把女人聲同個男人聲互罵..好明顯個女人係個細路既呀媽-.-"
其實佢喊唔係問題..不過唔該唔好咁近個窗 唔係真係好煩....

(順帶一提 打呢篇野之前 有條友係正我門口喊 應該係住隔離既 ..真係煩到.....所以先頂唔住打呢篇野-..-.......又唔投訴得..真係慘..)